ਅਗਾਉਂ ਯੋਜਨਾਬੰਦੀ ਕਰਨਾ : ਆਪਣੇ ਆਪ ਨੂੰ ਸੁਰੱਖਿਅਤ ਬਣਾਉਣਾ
ਘਰੇਲੂ ਹਿੰਸਾ ਦੇ ਚੇਤਾਵਨੀ ਚਿੰਨ੍ਹਾਂ ਤੋਂ ਸੁਚੇਤ ਰਹੋ। ਇਹ ਮੰਨ ਲੈਣਾ ਖ਼ਤਰਨਾਕ ਹੋ ਸਕਦਾ ਹੈ ਕਿ ਕਿਸੇ ਤਰ੍ਹਾਂ ਸਭ ਕੁਝ ਠੀਕ ਠਾਕ ਹੋ ਜਾਵੇਗਾ। ਅਕਸਰ ਮਾਮਲੇ ਹੋਰ ਵਧੇਰੇ ਵਿਗਡ਼ ਜਾਂਦੇ ਹਨ।
ਇੱਕ
ਸੁਰੱਖਿਆ ਯੋਜਨਾ ਦੇ ਨਾਲ ਤੁਸੀਂ ਅਤੇ ਤੁਹਾਡੇ ਬੱਚੇ ਕਿਸੇ ਸੰਕਟਕਾਲ ਵਾਸਤੇ ਤਿਆਰੀ ਕਰ ਸਕਦੇ ਹੋ।
ਵਾਸ਼ਿੰਗਟਨ ਰਾਜ ਵਿੱਚ ਘਰੇਲੂ ਹਿੰਸਾ ਕਾਨੂੰਨ ਦੇ ਵਿਰੁੱਧ ਹੈ ਅਤੇ ਅਦਾਲਤਾਂ ਵੀ ਤੁਹਾਨੂੰ ਸੁਰੱਖਿਅਤ ਬਣੇ ਰਹਿਣ ਵਿੱਚ ਮਦਦ ਕਰਨਗੀਆਂ। ਉਦਾਹਰਣ ਲਈ, ਸ਼ੋਸ਼ਣ ਕਰਤਾ ਨੂੰ ਤੁਹਾਡੇ ਅਤੇ ਤੁਹਾਡੇ ਬੱਚਿਆਂ ਤੋਂ ਦੂਰ ਰੱਖਣ ਲਈ ਤੁਸੀਂ
ਇੱਕ ਸੁਰੱਖਿਆ ਆਦੇਸ਼ ਪ੍ਰਾਪਤ ਕਰਨ ਲਈ ਯੋਗ ਹੋ ਸਕਦੇ ਹੋ।
ਅਜਿਹੀਆਂ
ਹਾੱਟਲਾਈਨਾਂ, ਸ਼ਰਣਗਾਹਾਂ ਅਤੇ ਵਕੀਲ ਵੀ ਹਨ ਜੋ ਤੁਹਾਡੀ ਮਦਦ ਕਰ ਸਕਦੇ ਹਨ।
ਹੋ ਸਕਦਾ ਹੈ ਕਿ ਤੁਸੀਂ ਆਪਣੀ
ਵਿੱਤੀ ਸਥਿਤੀ ਦੇ ਸੰਬੰਧ ਵਿੱਚ ਮਦਦ ਲੈਣ ਦੇ ਵੀ ਯੋਗ ਹੋਵੋ ਤਾਂ ਕੀ ਤੁਸੀਂ ਸ਼ੋਸ਼ਣ ਕਰਤਾ ਤੋਂ ਸੁਤੰਤਰ ਹੋ ਸਕੋ।
ਆਪਣੀ ਸਥਿਤੀ ਤੇ ਕੰਟਰੋਲ ਕਰੋ। ਮਦਦ ਬਾਰੇ ਪੁੱਛਣ ਤੋਂ ਨਾ ਡਰੋ।
ਘਰੇਲੂ ਹਿੰਸਾ ਦੇ ਚੇਤਾਵਨੀ ਚਿੰਨ੍ਹ ਕੀ ਹਨ?
ਕੀ ਤੁਹਾਡਾ ਜੀਵਨ ਸਾਥੀ ਜਾਂ ਭਾਈਵਾਲ :
- ਜਨਤਕ ਤੌਰ ਤੇ ਤੁਹਾਡੀ ਬੇਇਜ਼ਤੀ ਕਰਦਾ ਹੈ?
- ਇਸ ਗੱਲ ਦੀ ਪਡ਼ਤਾਲ ਕਰਦਾ ਹੈ ਕਿ ਤੁਸੀਂ ਕਿੱਥੇ ਸੀ ਅਤੇ ਕਿਸ ਨਾਲ ਗੱਲਬਾਤ ਕੀਤੀ?
- ਤੁਹਾਡੇ ਦੋਸਤਾਂ ਅਤੇ ਪਰਿਵਾਰ ਨੂੰ ਭੰਡਦਾ ਹੈ?
- ਤੁਹਾਨੂੰ ਦੱਸਦਾ ਹੈ ਕਿ ਈਰਖਾ, ਪਿਆਰ ਦਾ ਹੀ ਇੱਕ ਚਿੰਨ੍ਹ ਹੈ?
- ਸ਼ੋਸ਼ਣ ਦਾ ਦੋਸ਼ ਤੁਹਾਡੇ ਸਿਰ ਹੀ ਮਡ਼੍ਹਦਾ ਹੈ?
- ਇਸ ਗੱਲ ਨੂੰ ਸੀਮਤ ਕਰਦਾ ਹੈ ਕਿ ਤੁਸੀਂ ਕਿੱਥੇ ਜਾਂਦੇ ਹੋ ਅਤੇ ਕੀ ਕਰਦੇ ਹੋ?
- ਤੁਹਾਡੇ ਪੈਸਿਆਂ ਤੇ ਕੰਟਰੋਲ ਕਰਨ ਦਾ ਯਤਨ ਕਰਦਾ ਹੈ?
- ਤੁਹਾਡੀਆਂ ਚੀਜ਼ਾਂ ਨੂੰ ਨਸ਼ਟ ਕਰਦਾ ਹੈ?
- ਤੁਹਾਨੂੰ ਜਾਂ ਤੁਹਾਡੇ ਪਰਿਵਾਰ ਜਾਂ ਪਾਲਤੂ ਜਾਨਵਰਾਂ ਨੂੰ ਸੱਟ ਮਾਰਨ ਦੀ ਧਮਕੀ ਦਿੰਦਾ ਹੈ?
- ਤੁਹਾਨੂੰ ਅਜਿਹੇ ਤਰੀਕਿਆਂ ਨਾਲ ਅਤੇ ਅਜਿਹੇ ਸਮਿਆਂ ਤੇ ਸੰਭੋਗ ਲਈ ਮਜ਼ਬੂਰ ਕਰਦਾ ਹੈ, ਜੋ ਤੁਹਾਡੇ ਲਈ ਔਖ ਭਰੇ ਹਨ?
- ਤੁਹਾਨੂੰ ਅਜਿਹੇ ਤਰੀਕਿਆਂ ਨਾਲ ਛੂੰਹਦਾ ਹੈ ਜੋ ਤੁਹਾਨੂੰ ਚੋਟ ਪਹੁੰਚਾਉਂਦੇ ਹਨ ਜਾਂ ਤੁਹਾਨੂੰ ਡਰਾ ਦਿੰਦੇ ਹਨ?
- ਤੁਹਾਨੂੰ ਇਹ ਕਹਿੰਦਾ ਹੈ ਕਿ ਤੁਹਾਡਾ ਡਰ ਮਹੱਤਵਪੂਰਨ ਨਹੀਂ ਹੈ।
ਜੇ ਤੁਹਾਡੇ ਨਾਲ ਇਨ੍ਹਾਂ ਵਿੱਚੋਂ ਕੋਈ ਵੀ ਚੀਜ਼ ਵਾਪਰਦੀ ਹੈ, ਤਾਂ ਹੋ ਸਕਦਾ ਹੈ ਕਿ ਤੁਸੀਂ ਖਤਰੇ ਵਿੱਚ ਹੋਵੋ।
ਕਿਸੇ ਵਕੀਲ ਤੋਂ ਕੁਝ ਮਦਦ ਪ੍ਰਾਪਤ ਕਰੋ, ਅਤੇ ਇੱਕ
ਸੁਰੱਖਿਆ ਯੋਜਨਾ ਬਣਾਕੇ ਰਖੋ।
ਸੁਰੱਖਿਆ ਯੋਜਨਾ ਦੀ ਪਡ਼ਤਾਲ ਸੂਚੀ
- ਇਹ ਯੋਜਨਾ ਬਣਾਓ ਕਿ ਸ਼ੋਸ਼ਣ ਦੀ ਕਿਸੇ ਘਟਨਾ ਦੌਰਾਨ ਤੁਸੀਂ ਮਕਾਨ ਵਿੱਚੋਂ ਕਿਸ ਤਰ੍ਹਾਂ ਬਾਹਰ ਨਿਕਲ ਸਕਦੇ ਹੋ।
- ਇਹ ਯੋਜਨਾ ਬਣਾਓ ਕਿ ਜੇ ਤੁਸੀਂ ਘਰ ਵਿੱਚੋਂ ਬਾਹਰ ਨਹੀਂ ਨਿਕਲ ਸਕਦੇ ਤਾਂ 911 ਤੇ ਕਿਸ ਤਰ੍ਹਾਂ ਕਾਲ ਕਰਨੀ ਹੈ। ਜੇ ਤੁਸੀਂ 911 ਤੇ ਕਾਲ ਨਹੀਂ ਕਰ ਸਕਦੇ ਤਾਂ ਆਪਣੇ ਬੱਚਿਆਂ ਨੂੰ ਅਜਿਹਾ ਕਰਨਾ ਸਿਖਾਓ।
- ਜੋ ਕੁਝ ਹੋ ਰਿਹਾ ਹੈ, ਉਸ ਬਾਰੇ ਵਿਸ਼ਵਾਸ਼ੀ ਮਿੱਤਰਾਂ, ਪਰਿਵਾਰਕ ਮੈਂਬਰਾਂ ਅਤੇ ਗੁਆਂਢੀਆਂ ਨੂੰ ਦੱਸੋ। ਇਹ ਯੋਜਨਾ ਬਣਾਓ ਕਿ ਜੇ ਉਹ ਤੁਹਾਨੂੰ ਮਦਦ ਵਾਸਤੇ ਪੁਕਾਰਦਿਆਂ ਸੁਣਦੇ ਹਨ, ਤਾਂ ਉਹ ਕੀ ਕਰਨਗੇ।
- ਜੇ ਤੁਹਾਡਾ ਸ਼ੋਸ਼ਣ ਕਰਤਾ ਘਰ ਵਿੱਚੋਂ ਬਾਹਰ ਚਲਾ ਗਿਆ ਹੈ, ਤਾਂ ਦਰਵਾਜ਼ੇ ਦੇ ਜਿੰਦਰੇ ਅਤੇ ਆਪਣੇ ਫ਼ੋਨ ਨੰਬਰ ਬਦਲ ਦਿਓ। ਜੇ ਤੁਹਾਡਾ ਸ਼ੋਸ਼ਣ ਕਰਤਾ ਤੁਹਾਨੂੰ ਘਰ ਦੇ ਬਾਹਰ ਕਿਤੇ ਟੱਕਰਦਾ ਹੈ ਜਾਂ ਜੇ ਸ਼ੋਸ਼ਣ ਕਰਤਾ ਵਾਪਸ ਆ ਜਾਂਦਾ ਹੈ ਅਤੇ ਘਰ ਦੇ ਅੰਦਰ ਆਉਣਾ ਚਾਹੁੰਦਾ ਹੈ, ਤਾਂ ਅਜਿਹੇ ਮਾਮਲੇ ਵਾਸਤੇ ਇੱਕ ਯੋਜਨਾ ਬਣਾਕੇ ਰੱਖੋ।
- ਜਾਣ ਵਾਸਤੇ ਇੱਕ ਸੁਰੱਖਿਅਤ ਸਥਾਨ ਦਾ ਇੰਤਜ਼ਾਮ ਕਰਕੇ ਰੱਖੋ। ਘਰੇਲੂ ਹਿੰਸਾ ਲਈ ਸ਼ਰਣਗਾਹ ਇੱਕ ਵਿਕਲਪ ਹੈ। ਇਹ ਸਭ ਤੋਂ ਵਧੀਆ ਹੋਵੇਗਾ ਜੇਕਰ ਸ਼ੋਸ਼ਣ ਕਰਤਾ ਨੂੰ ਤੁਹਾਡੀ ਸਥਿਤੀ ਦਾ ਪਤਾ ਨਾ ਹੋਵੇ।
- ਆਪਣੇ ਮਹੱਤਵਪੂਰਨ ਦਸਤਾਵੇਜ਼ਾਂ ਦੀਆਂ ਕਾਪੀਆਂ ਬਣਵਾਓ। ਵਿਭਿੰਨ ਸਥਾਨਾਂ ਤੇ ਕਈ ਕਾਪੀਆਂ ਆਪਣੇ ਵਾਸਤੇ ਬਣਾਕੇ ਰੱਖੋ। ਨਕਲਾਂ ਨੂੰ ਆਪਣੇ ਵਕੀਲ ਅਤੇ ਨਜ਼ਦੀਕੀ ਪਰਿਵਾਰਕ ਮੈਂਬਰਾਂ ਨੂੰ ਦਿਓ।
- ਆਪਣੇ ਬਟੁਏ ਵਿੱਚ ਸੰਕਟਕਾਲੀ ਫ਼ੋਨ ਨੰਬਰਾਂ ਅਤੇ ਉਨ੍ਹਾਂ ਸਥਾਨਾਂ ਦੀ ਇੱਕ ਸੂਚੀ ਰੱਖੋ ਜਿਨ੍ਹਾਂ ਤੱਕ ਤੁਸੀਂ ਹਮੇਸ਼ਾ ਪਹੁੰਚ ਕਰ ਸਕਦੇ ਹੋ। ਸੰਕਟਕਾਲਾਂ ਵਾਸਤੇ ਮਹੱਤਵਪੂਰਨ ਫ਼ੋਨ ਨੰਬਰ ਜਿਵੇਂ ਕਿ 911 ਯਾਦ ਰੱਖੋ।
- ਤੁਹਾਡੇ ਅਤੇ ਤੁਹਾਡੇ ਬੱਚਿਆਂ ਵਾਸਤੇ ਕੱਪਡ਼ਿਆਂ, ਦਵਾਈਆਂ, ਤੁਹਾਡੇ ਕਾਗਜ਼ਾਤਾਂ ਅਤੇ ਹੋਰ ਜ਼ਰੂਰੀ ਵਸਤਾਂ ਦਾ ਇੱਕ ਬੈਗ ਤਿਆਰ ਕਰੋ ਤਾਂ ਕਿ ਤੁਰੰਤ ਨਿਕਲਿਆ ਜਾ ਸਕੇ। ਬੈਗ ਨੂੰ ਛੁਪਾ ਦਿਓ ਪਰ ਇਸਨੂੰ ਅਜਿਹੇ ਸਥਾਨ ਤੇ ਰੱਖੋ ਜਿੱਥੋਂ ਤੁਸੀਂ ਇਸਨੂੰ ਜਲਦੀ ਵਿੱਚ ਪ੍ਰਾਪਤ ਵੀ ਕਰ ਸਕੋ।
- ਕਿਸੇ ਵਕੀਲ ਕੋਲੋਂ ਮਦਦ ਲਵੋ, ਜੋ ਤੁਹਾਨੂੰ ਇਹ ਫ਼ੈਸਲਾ ਲੈਣ ਵਿੱਚ ਮਦਦ ਕਰ ਸਕਦਾ ਹੈ ਕਿ ਕੀ ਇੱਕ ਸੁਰੱਖਿਆ ਆਦੇਸ਼ ਪ੍ਰਾਪਤ ਕਰਨਾ ਹੈ ਅਤੇ ਪੈਸਿਆਂ ਦੇ ਸੰਬੰਧ ਵਿੱਚ ਕੀ ਕਰਨਾ ਹੈ।
ਆਪਣੇ ਨਾਲ ਲਿਜਾਣ ਵਾਸਤੇ ਮਹੱਤਵਪੂਰਨ ਵਸਤੂਆਂ ਦੇ ਉਦਾਹਰਣ ਇਹ ਹਨ :
- ਪਰਿਚਾਣ ਦੇ ਕਾਗਜ਼ਾਤ: ਡਰਾਈਵਰ ਦਾ ਲਾਇਸੰਸ, ਪਾਸਪੋਰਟ, ਗਰੀਨ ਕਾਰਡ, ਜਨਮ ਦੇ ਸਰਟੀਫ਼ਿਕੇਟ, I-94, I-20, ਬੱਚਿਆਂ ਦੇ ਜਨਮ ਦੇ ਸਟੀਫ਼ਿਕੇਟ, ਪ੍ਰਵਾਸ ਦੇ ਕਾਗਜ਼ਾਤ, ਸਮਾਜਕ ਸੁਰੱਖਿਆ ਕਾਰਡ, ਕੰਮ ਦੇ ਅਖ਼ਤਿਆਰ ਦੇ ਕਾਰਡ
- ਕਾਨੂੰਨੀ ਕਾਗਜ਼ਾਤ: ਸੁਰੱਖਿਆ ਆਦੇਸ਼, ਤਲਾਕ ਦੇ ਕਾਗਜ਼ਾਤ, ਵਿਆਹ ਦੇ ਸਰਟੀਫ਼ੀਕੇਟ, ਕਿਰਾਏ ਦੇ ਕਰਾਰ, ਮੋਟਰ ਵਹੀਕਲ ਦਾ ਰਜਿਸਟਰੇਸ਼ਨ
- ਵਿੱਤੀ ਕਾਗਜ਼ਾਤ: ਬੈਂਕਾਂ ਦੇ ਚਿੱਠੇ, ਚੈੱਕਬੁੱਕਾਂ, ATM ਕਾਰਡ, ਕਰੈਡਿਟ ਕਾਰਡ, ਟੈਕਸ ਰਿਟਰਨਾਂ।
- ਸੰਪਰਕ: ਪਤਾ ਪੁਸਤਿਕਾਵਾਂ, ਮਹੱਤਵਪੂਰਨ ਫ਼ੋਨ ਨੰਬਰ
- ਕੀਮਤੀ ਚੀਜ਼ਾਂ: ਰੋਕਡ਼ਾ, ਗਹਿਣੇ, ਤਸਵੀਰਾਂ, ਬੱਚਿਆਂ ਦੇ ਮਨਪਸੰਦ ਖਿਡੌਣੇ
- ਚਾਬੀਆਂ: ਮਕਾਨ, ਕਾਰ, ਦਫਤਰ
- ਸਿਹਤ: ਦਵਾਈਆਂ, ਮੈਡੀਕਲ ਅਤੇ ਟੀਕਾਕਰਨ ਦੇ ਰਿਕਾਰਡ
- ਸ਼ੋਸ਼ਣ ਕਰਤਾ ਬਾਰੇ ਜਾਣਕਾਰੀ: ਪੂਰਾ ਕਾਨੂੰਨੀ ਨਾਮ, ਜਨਮ ਤਾਰੀਖ਼, ਸਮਾਜਕ ਸੁਰੱਖਿਆ ਨੰਬਰ, ਕਾਨੂੰਨੀ ਅਵਸਥਾ, ਆਮਦਨ ਦੀ ਜਾਣਕਾਰੀ ਅਤੇ ਤਾਜ਼ਾ ਫ਼ੋਟੋ।
ਯਾਦ ਰੱਖੋ, ਜਿੰਨੇ ਜ਼ਿਆਦਾ ਉਪਾਅ ਤੁਸੀਂ ਕਰਦੇ ਹੋ, ਓਨੇ ਹੀ ਤੁਸੀਂ ਵਧੇਰੇ ਸੁਰੱਖਿਅਤ ਹੋਵੋਗੇ।
ਸੁਰੱਖਿਆ ਆਦੇਸ਼
ਜੇ ਤੁਹਾਡਾ ਸ਼ੋਸ਼ਣ ਕੀਤਾ ਗਿਆ ਹੈ, ਤਾਂ ਅਦਾਲਤੀ ਪ੍ਰਣਾਲੀ ਵਿੱਚ ਤੁਹਾਡੇ ਅਧਿਕਾਰ ਹਨ :
- ਇੱਕ ਸੁਰੱਖਿਆ ਆਦੇਸ਼ ਇੱਕ ਅਦਾਲਤੀ ਆਦੇਸ਼ ਹੈ, ਜੋ ਤੁਹਾਨੂੰ ਘਰੇਲੂ ਹਿੰਸਾ ਤੋਂ ਬਚਾਉਣ ਵਾਸਤੇ ਮਦਦ ਕਰ ਸਕਦਾ ਹੈ।
- ਜੇ ਤੁਸੀਂ ਯੂ.ਐੱਸ. ਦੇ ਨਾਗਰਿਕ ਜਾਂ ਕਾਨੂੰਨੀ ਤੌਰ ਤੇ ਪੱਕੇ ਵਸਨੀਕ ਨਹੀਂ ਹੋ, ਤਾਂ ਵੀ ਤੁਸੀਂ ਸੁਰੱਖਿਆ ਆਦੇਸ਼ ਪ੍ਰਾਪਤ ਕਰ ਸਕਦੇ ਹੋ। ਅਸਲ ਵਿੱਚ, ਸੁਰੱਖਿਆ ਆਦੇਸ਼ ਦਸਤਾਵੇਜ਼ੀ ਸਖਤ ਵਰਤਾਓ ਵਿੱਚ ਮਦਦ ਕਰ ਸਕਦਾ ਹੈ, ਜੋ ਤੁਹਾਡੇ ਪ੍ਰਵਾਸ ਦੇ ਮਾਮਲੇ ਵਿੱਚ ਮਦਦਗਾਰ ਹੋ ਸਕਦਾ ਹੈ।
- ਇੱਕ ਸੁਰੱਖਿਆ ਆਦੇਸ਼, ਸ਼ੋਸ਼ਣ ਕਰਤਾ ਨੂੰ ਤੁਹਾਨੂੰ, ਤੁਹਾਡੇ ਬੱਚਿਆਂ ਨੂੰ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨੂੰ ਸੰਪਰਕ ਨਾ ਕਰਨ, ਨਾ ਧਮਕਾਉਣ, ਹਮਲਾ ਨਾ ਕਰਨ, ਕਾਮੁਕ ਹਮਲਾ ਨਾ ਕਰਨ ਜਾਂ ਟੈਲੀਫ਼ੋਨ ਨਾ ਕਰਨ ਦਾ ਆਦੇਸ਼ ਦੇ ਸਕਦਾ ਹੈ। ਇਹ ਸ਼ੋਸ਼ਣ ਕਰਤਾ ਨੂੰ ਤੁਹਾਡੇ ਘਰ ਵਿੱਚੋਂ ਬਾਹਰ ਨਿਕਲਣ ਦਾ ਆਦੇਸ਼ ਵੀ ਦੇ ਸਕਦਾ ਹੈ।
- ਅਦਾਲਤ ਦੇ ਆਦੇਸ਼ ਦਾ ਪਾਲਣ ਨਾ ਕਰਨ ਵਾਲੇ ਸ਼ੋਸ਼ਣ ਕਰਤਾ ਨੂੰ ਹਿਰਾਸਤ ਵਿੱਚ ਲਿਆ ਜਾ ਸਕਦਾ ਹੈ, ਜੇਲ੍ਹ ਭੇਜਿਆ ਜਾ ਸਕਦਾ ਹੈ ਜਾਂ ਜੁਰਮਾਨਾ ਕੀਤਾ ਜਾ ਸਕਦਾ ਹੈ। ਜੇ ਸ਼ੋਸ਼ਣ ਕਰਤਾ ਸੁਰੱਖਿਆ ਆਦੇਸ਼ ਦੀ ਅਵੱਗਿਆ ਕਰਦਾ ਹੈ ਤਾਂ ਤੁਹਾਨੂੰ ਲਾਜ਼ਮੀ ਤੌਰ ਤੇ ਪੁਲੀਸ ਨੂੰ ਕਾਲ ਕਰਨਾ ਚਾਹੀਦਾ ਹੈ ਅਤੇ/ਜਾਂ ਇਸਨੂੰ ਜਾਰੀ ਕਰਨ ਵਾਲੀ ਅਦਾਲਤ ਵਿੱਚ ਜਾਣਾ ਚਾਹੀਦਾ ਹੈ।
- ਜੇ ਸ਼ੋਸ਼ਣ ਕਰਤਾ ਸੁਰੱਖਿਆ ਆਦੇਸ਼ ਦੀ ਅਵੱਗਿਆ ਕਰਦਾ ਹੈ ਤਾਂ ਤੁਹਾਨੂੰ ਪੁਲੀਸ ਨੂੰ ਦਿਖਾਉਣ ਵਾਸਤੇ ਸੁਰੱਖਿਆ ਆਦੇਸ਼ ਦੀ ਇੱਕ ਨਕਲ ਹਰ ਸਮੇਂ ਆਪਣੇ ਨਾਲ ਰੱਖਣੀ ਚਾਹੀਦੀ ਹੈ।
- ਸੁਰੱਖਿਆ ਆਦੇਸ਼ ਦੀ ਇੱਕ ਕਾਪੀ ਆਪਣੇ ਬੱਚਿਆਂ ਦੇ ਦੈਨਿਕ ਸੰਭਾਲ ਕੇਂਦਰ ਜਾਂ ਸਕੂਲ, ਵਿਸ਼ਵਾਸ਼ੀ ਦੋਸਤਾਂ ਅਤੇ ਪਰਿਵਾਰਕ ਮੈਂਬਰਾਂ ਅਤੇ ਸੰਭਾਵਿਤ ਤੌਰ ਤੇ ਆਪਣੇ ਮਾਲਕ ਨੂੰ ਵੀ ਦਿਓ।
- ਸੁਰੱਖਿਆ ਆਦੇਸ਼ ਸਥਾਈ ਨਹੀਂ ਹੁੰਦਾ, ਅਤੇ ਜੇ ਤੁਸੀਂ ਇਸਨੂੰ ਜਾਰੀ ਰੱਖਣ ਲਈ ਕਾਰਵਾਈ ਨਹੀਂ ਕਰਦੇ ਤਾਂ ਇਸਦੀ ਮਿਆਦ ਖ਼ਤਮ ਹੋ ਸਕਦੀ ਹੈ।
- ਸੁਰੱਖਿਆ ਆਦੇਸ਼ ਤੁਹਾਨੂੰ ਤੁਹਾਡੇ ਬੱਚਿਆਂ ਦੀ ਅਸਥਾਈ ਹਿਰਾਸਤ ਰੱਖਣ ਵਿੱਚ ਮਦਦ ਕਰ ਸਕਦਾ ਹੈ।
ਪੀਡ਼ਤ ਔਰਤਾਂ ਦੀਆਂ ਸ਼ਰਣਗਾਹਾਂ ਅਤੇ ਕਾਨੂੰਨੀ ਵਕਾਲਤ ਦੇ ਪ੍ਰੋਗਰਾਮ ਤੁਹਾਨੂੰ ਇੱਕ ਸੁਰੱਖਿਆ ਆਦੇਸ਼ ਪ੍ਰਾਪਤ ਕਰਨ ਅਤੇ ਇਸਨੂੰ ਨਵਿਆਉਣ ਬਾਰੇ ਵਧੇਰੇ ਜਾਣਕਾਰੀ ਦੇ ਸਕਦੇ ਹਨ।
ਤੁਸੀਂ ਇੱਕ ਆਰਜ਼ੀ ਸੁਰੱਖਿਆ ਆਦੇਸ਼ ਬਾਰੇ ਆਪਣੀ ਨੇਡ਼ਲੀ ਅਦਾਲਤ ਵਿੱਚ ਬੇਨਤੀ ਕਰ ਸਕਦੇ ਹੋ (ਸੁਪੀਰੀਅਰ ਅਦਾਲਤ, ਜਿਲ੍ਹਾ ਅਦਾਲਤ ਜਾਂ ਮਿਊਨੀਸੀਪਲ ਅਦਾਲਤ)। ਅਸਥਾਈ ਆਦੇਸ਼ ਦੋ ਹਫਤਿਆਂ ਤੱਕ ਚਲਦਾ ਹੈ। ਇਸਦੇ ਬਾਅਦ, ਤੁਸੀਂ ਅਦਾਲਤ ਵਿੱਚ ਵਾਪਸ ਆਵੋਗੇ ਅਤੇ ਕਿਸੇ ਜੱਜ ਦੇ ਸਾਮ੍ਹਣੇ ਪੇਸ਼ ਹੋਵੋਗੇ ਜੋ ਇਸ ਬਾਰੇ ਫ਼ੈਸਲਾ ਕਰਦਾ ਹੈ ਕਿ ਕੀ ਇੱਕ ਸਮੁੱਚਾ ਸੁਰੱਖਿਆ ਆਦੇਸ਼ ਦੇ ਦਿੱਤਾ ਜਾਵੇ ਜਾਂ ਨਹੀਂ ਜੋ ਕਿ ਇੱਕ ਸਾਲ ਜਾਂ ਇਸਤੋਂ ਵਧੇਰੇ ਸਮੇਂ ਲਈ ਚਲਦਾ ਹੈ।
ਜੇ ਅੰਗਰੇਜ਼ੀ ਤੁਹਾਡੀ ਪਹਿਲੀ ਭਾਸ਼ਾ ਨਹੀਂ ਹੈ, ਜਾਂ ਜੇ ਤੁਸੀਂ ਕਿਸੇ ਅਜਿਹੇ ਵਿਅਕਤੀ ਦੀ ਮਦਦ ਕਰ ਰਹੇ ਹੋ, ਜੋ ਅੰਗਰੇਜ਼ੀ ਨਹੀਂ ਬੋਲਦਾ ਤਾਂ ਤੁਸੀਂ ਇਸ ਵੈੱਬਸਾਈਟ ਤੇ ਕਿਸੇ ਸੁਰੱਖਿਆ ਆਦੇਸ਼ ਨੂੰ ਫ਼ਾਈਲ ਕਰਨ ਵਾਸਤੇ ਮਦਦ ਪ੍ਰਾਪਤ ਕਰ ਸਕਦੇ ਹੋ :
http://protectionorder.org/translations.htm.
ਤੁਹਾਡੀ ਵਿੱਤੀ ਸਥਿਤੀ
ਪੈਸੇ ਦੀਆਂ ਸਮੱਸਿਆਵਾਂ ਤੁਹਾਡੇ ਲਈ ਸ਼ੋਸ਼ਣ ਕਰਤਾ ਦੇ ਚੁੰਗਲ ਵਿੱਚੋਂ ਨਿਕਲਣਾ ਮੁਸ਼ਕਿਲ ਕਰ ਸਕਦੀਆਂ ਹਨ। ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਜਾਂ ਆਪਣੇ ਬੱਚਿਆਂ ਵਾਸਤੇ ਰੋਕਡ਼ਾ, ਫ਼ੂਡ ਸਟੈਂਪਸ ਅਤੇ ਡਾਕਟਰੀ ਸੰਭਾਲ ਪ੍ਰਾਪਤ ਕਰਨ ਦੇ ਯੋਗ ਹੋਵੋ।
ਸਮਾਜਕ ਅਤੇ ਸਿਹਤ ਸੇਵਾਵਾਂ ਵਿਭਾਗ ਨਾਲ ਸੰਪਰਕ ਕਰੋ।
ਤੁਹਾਡਾ ਪ੍ਰਵਾਸ ਜਾਂ ਘਰੇਲੂ ਹਿੰਸਾ ਵਕੀਲ ਇਹ ਲੱਭਣ ਵਿੱਚ ਤੁਹਾਡੀ ਮਦਦ ਕਰ ਸਕਦਾ ਹੈ ਕਿ ਤੁਸੀਂ ਕਿੰਨ੍ਹਾਂ ਚੀਜ਼ਾਂ ਵਾਸਤੇ ਯੋਗ ਹੋ :
- ਤੁਹਾਡੀ ਆਮਦਨ ਤੇ ਨਿਰਭਰ ਕਰਨ ਅਨੁਸਾਰ ਕੁਝ ਕਾਨੂੰਨੀ ਤੌਰ ਤੇ ਪੱਕੇ ਵਸਨੀਕ, ਭਲਾਈ ਸੇਵਾਵਾਂ ਅਤੇ ਸਿਹਤ ਸੇਵਾਵਾਂ ਵਾਸਤੇ ਵੀ ਯੋਗ ਹਨ।
- ਸ਼ਰਣਾਰਥੀ ਯੂ.ਐੱਸ. ਵਿੱਚ ਉਨ੍ਹਾਂ ਦੇ ਪਹਿਲੇ ਅੱਠ ਮਹੀਨਿਆਂ ਦੌਰਾਨ ਭਲਾਈ ਅਤੇ ਸਿਹਤ ਸੇਵਾਵਾਂ ਵਾਸਤੇ ਯੋਗ ਹਨ। ਇਸਦੇ ਬਾਅਦ, ਪ੍ਰਵਾਸੀ ਅਤੇ ਸ਼ਰਣਾਰਥੀ ਪਰਿਵਾਰ 16 ਮਹੀਨਿਆਂ ਵਾਸਤੇ ਲੋਡ਼ਵੰਦ ਪਰਿਵਾਰਾਂ ਲਈ ਅਸਥਾਈ ਸਹਾਇਤਾ (TANF) ਵਾਸਤੇ ਯੋਗ ਹਨ।
- ਜੇ ਤੁਸੀਂ ਔਰਤਾਂ ਪ੍ਰਤੀ ਹਿੰਸਾ ਕਾਨੂੰਨ (Violence Against Women Act) ਤਹਿਤ ਕਾਨੂੰਨੀ ਤੌਰ ਤੇ ਸਥਾਈ ਵਸਨੀਕਤਾ ਵਾਸਤੇ ਅਰਜ਼ੀ ਦਿੱਤੀ ਹੋਈ ਹੈ, ਤਾਂ ਤੁਸੀਂ ਉਨ੍ਹਾਂ ਫ਼ਾਇਦਿਆਂ ਵਾਸਤੇ ਯੋਗ ਹੋ ਸਕਦੇ ਹੋ ਜੋ ਇੱਕ ਕਾਨੂੰਨੀ ਤੌਰ ਤੇ ਪੱਕੇ ਵਸਨੀਕ ਨੂੰ ਮਿਲਦੇ ਹਨ।
- ਜੇ ਤੁਹਾਡਾ ਕੋਈ ਦਸਤਾਵੇਜ਼ੀ ਰਿਕਾਰਡ ਨਹੀਂ ਹੈ, ਤਾਂ ਤੁਹਾਡੇ ਯੂ.ਐੱਸ. ਨਾਗਰਿਕ ਬੱਚੇ ਉਨ੍ਹਾਂ ਸਾਰੇ ਜਨਤਕ ਫ਼ਾਇਦਿਆਂ ਵਾਸਤੇ ਯੋਗ ਹਨ, ਜਿਵੇਂ ਕਿ ਹੋਰ ਨਾਗਰਿਕ ਬੱਚੇ ਹੁੰਦੇ ਹਨ।
ਕਾਨੂੰਨੀ ਮਾਮਲਿਆਂ ਬਾਰੇ ਵਧੇਰੇ ਜਾਣਕਾਰੀ ਜਾਂ ਸਹਾਇਤਾ ਲੈਣ ਲਈ,
ਵਾਸ਼ਿੰਗਟਨ ਲਾਅ ਹੈਲਪ (Washington Law Help) ਨਾਲ ਸੰਪਰਕ ਕਰੋ, ਜਿਸ ਕੋਲ ਬਹੁਤ ਸਾਰੀਆਂ ਭਾਸ਼ਾਵਾਂ ਵਿੱਚ ਜਾਣਕਾਰੀ ਹੈ।
